Dr. Ben Carson le TrumpSiibawi minthang Dr. Ben Carson cu mirum pa Donald Trump nih thlali chung a rak tei nain tukar hi Dr. Ben Carson a hung lar chin lengmang, CBS News le New York Times polls ningah cun tuhi Dr. Ben Carson nih 4% in Donald Trump cu a tei cang tiahBBCnih atial.Republican lei in caan sau nawn an rak uar bikmi Donald Trump cu Republican 22% lawng nih an uar cang, Dr. Ben Carson cu 26% bak nih an uar cang. 4% in an i thlau cang. Florida Senator Mr Rubio nih 8% a ngah i Jeb Bush(President George W. Bush a naupa) le Carly Fiorina nih 7% veve an ngah. Dr. Ben Carson le Donald Trump nih an tei tuk cang hna ti nak a si.Ben Carson hi siibawi minthang tuk a si,a biachim zong a aw nem ngai ngai. US President cu Muslim an si ding a si hrim hrim lo tiah a rak chim bal caah fak piin rak soisel a si. Hitler nih Judah mi 6 million leng a rak thah hna lio ah khan zalawng tein Judah mi meithal rak i ken khawh hna sehlaw 6 million tiang an rak thi hnga lo,anmah tein an rak i ven khawh ko hnga tiah a chim bal. US ram chung zalawng tein meithal i ken khawh ding a dirpi tu a si. Khrihfa biaknak zong a tanpi ngai fawn.A nih hi siibawi minthang tak tak a si. Pum aa fonhmi faphir zong tlamtling tein a thencheu kho hmasa bik tu a si. Cauk a tialmi zong a um len. “Kei cu nan ka tanhpi lo zongah nan caah rian ka tuan peng ko lai,” timi abia hi mi tampi nih an aur ngai mi asi.
No comments:
Post a Comment