Chin National Democratic Party (CNDP) in Amyotha Hluttaw (1) ah aa cuh ding mi Pu Ram Mang nih Mucu sang, Hakha mee pek sawmnak an tuahnak ah atu bang in a chim hi a si.Democracy he pehtlai in Pu Ram Mang nih, “Democracy cu a tha tuk, a nuam tuk an ti. Kan thei ve rih lo. Mizapi hnatlaknak in kal hi democracy phung pakhat cu a si ve. Cu tik ah miphun ngan nih miphun fa cu a tei lai tinak a si. Kannih ram bantuk miphun tampi umnak ah cun democracy lawngin a za lo, mahte i tawlrel khawhnak federal hi a herh hrimhrim mi a si,” tiah mee pek sawmnak ahcun a chim.Democracy tiang lawng si lo in federal tiang kal an timhnak he pehtlai in, “NLD a sang bikan timhnak cu democracy tiang lawng a si. An policy cauk kan ngei. Federal aa tel lo. USDP cu chim a hau lo. Federal aa timh micukanmah party lawng kan si,” tiah Pu Ram Mang nih a chimchap.Federal he pehtlai in CNDP chungtuan (executive committee) Pu Van Hu nih, “Ka theih a tam ngai mi cu; Federal in kan kal ahcun Chinmi cu ei awk kan ngei te lai lo. Kan cozah riantuantu zong thlahlawh pek a hau lai ca ah ngunkhuai man a fak lai. Kan si a fak chinchin lai an ti. Federal cu mahte in tawlrel khawhnak kha a si. Center cozah nih ramthen le ramkulh vialte kha Kyat 100 cio ina phawt ahcun , cu ca ah, kha ca ah nan hman lai tibantuk tlaihchihnak a um ti lai lo. Kanmah tein kan i tawlrel khawh lai. Kha khaa si,” tiah a hrilhfiah ve.Hi Mucu sang mee pek sawmnak ah hin Hakha peng, Pyithu Hluttaw in aa cuh ding mi Pu Ngun Maung zong nih biachimnak a ngeih ve i mizapi lei in hngalh duh mi halnak le lehnak zong an tuah.
No comments:
Post a Comment